*जागतिक साहित्य कला व्यक्तित्व विकास मंचचे सन्मा सदस्य ज्येष्ठ कवी बाबा ठाकूर लिखित अप्रतिम काव्यरचना*

*गुलाबस्तवन…!!*

सुखसाजण मूळमाया श्रीरंगाची

रांगणा-या वासल्याचा..नाद

वाट..पाहतो तुझ्या उमलण्याची

स्थान तुझे ..माझ्या 💔 ह्दयांत

उषेचा प्रहर येताच

आशिर्वाद अंगणात धाडतोस

कर्माच्या माझ्या खतावणींना

निसर्गदवा पाठीमागे उभा राहतोस

ईश्वरी रूपात…बहरलेलं

रंगलावण्य पाकळ्यांत सुखावत

लहरतोस वारियात दिमाखात

मातीशी माझ्या ..जोडलसं नात

सूर्य ☀ देव केशरी होताच

धरती तुझ्या सौंदर्यावर भाळली

सृषीरूपी ईश्वर जागा झाला

देवा.. आभाळात पुष्पशेज सजली

महासुख… पदरी पडताचं

आत्मप्रभेत आत्मलीन सुखांत

ईश्वरा हळुवार.. ने ..मला

तुझ्या पवित्र..गाभा-यात..

बाबा ठाकूर