जिल्हास्तरीय युवा महोत्सवाचे आयोजन

सिंधुदुर्गनगरी

राष्ट्रीय युवा महोत्सचाच्या अनुषंगाने जिल्हास्तर युवा महोत्सवाचे दि. 29 ऑक्टोंबर 2025 रोजी सकाळी 9 वाजता जिल्हा नियोजन समिती हॉल, सिंधुदुर्गनगरी येथे आयोजन करण्यात येणार आहे. जिल्हास्तर युवा महोत्सवामध्ये सहभागी होण्यासाठी 25 ऑक्टोंबर 2025 पर्यंत गुगल लिंकवर नोंदणी करण्याचे आवाहन जिल्हा क्रीडा अधिकारी नीलिमा अडसूळ यांनी केले आहे.

             प्रतिवर्षी जिल्हास्तरापासून राष्ट्रीय स्तरापर्यंत युवा महोत्सवाचे आयोजन केले जाते. क्रीडा विभागाव्दारा सन 2025-26 या वर्षातील युवा महोत्सावाचे आयोजन जिल्हास्तरीय युवा महोत्सव समितीचे अध्यक्ष जिल्हाधिकारी यांच्या मार्गदर्शनाने आयोजित करण्यात येणार आहे. राष्ट्रीय युवा महोत्सव सन 2025-26 मध्ये संकल्पना आधारित ‘सांस्कृतिक व नवोपक्रम’- “Cultural and Innovation Track” ही संकल्पना दिलेली आहे. या संकल्पनेवर आधारित जिल्हा युवा महोत्सवात विविध स्पर्धात्मक बाबींचे आयोजन करण्यात येणार आहेत. तसेच जिल्हास्तरावरील विजयी स्पर्धक, संघ विभागीय स्पर्धेमध्ये सहभागी होणार आहेत.

             जिल्हास्तर युवा महोत्सवाची नियमावली गुगल लिंकवर देण्यात आलेली आहे. युवा महोत्सवामध्ये सहभागी होण्याकरीता https://forms.gle/Sd6a8EtLMd8asYzJ8   नोंदणी गुगल लिंक फॉर्ममध्ये भरण्यात याव्यात. सांस्कृतिक, लोकनृत्य सहभाग संख्या -10, साथ सांगत स्वतंत्र, लोकगीत सहभाग संख्या 10, साथ सांगत स्वतंत्र, कौशल्य विकास, कथालेखन (वैयक्तिक), कवितालेखन (वैयक्तिक), चित्रकला (वैयक्तिक), वक्तृत्व, संकल्पना आधारित स्पर्धा, विज्ञान प्रदर्शन, स्थानिक शेतीमधील शोध प्रकल्प.

            जिल्हा युवा महोत्सवामध्ये जिल्ह्यातील 15 ते 19 वयोगटातील युवक युवती यांना सहभागी होता येईल. युवा महोत्सवामध्ये सहभागी होण्याठी, इच्छुकांनी आपली नाव नोंदणी दिनांक 25 ऑक्टोंबर 2025 पूर्वी गुगल लिंकवर करावी. दिनांक 25 ऑक्टोंबर 2025 पर्यंत प्रवेशिका फॉर्म भरण्यात यावे. जिल्ह्यातील माध्यमिक व कनिष्ठ महाविद्यालय, वरिष्ठ महाविद्यालयातील व कृषी महाविद्यालय, इंजिनिअरींग कॉलेज, वैद्यकीय महाविद्यालय व औद्योगिक प्रशिक्षण संस्थेतील जास्तीत जास्त युवक युवती संघांनी, महिला मंडळांनी यामध्ये सहभागी व्हावे, असे आवाहन जिल्हास्तरीय युवा महोत्सव आयोजन समितीव्दारा करण्यात आले आहे.