१२ गणांसाठी आरक्षण निश्चित; कुंभारमाठ, कोळंब महिला ओबीसी प्रवर्गात, तर आडवली-मालडी, पोइप, वराड सर्वसाधारण महिलांसाठी आरक्षित
मालवण :
मालवण येथील पंचायत समितीच्या बारा गणांसाठीची आरक्षण सोडत मालवण तहसील कार्यालयात भूसंपादन जिल्हाधिकारी शुभदा पवार तहसीलदार वर्षा झालटे यांच्या उपस्थितीत काढण्यात आली.
तालुक्याचे लक्ष लागून राहिले पंचायत समितीचे बारा गणांची आरक्षण सोडत कार्यक्रम आज पार पडला. यावेळी माजी उपसभापती अशोक बागवे, चौके सरपंच पी. के. चौकेकर, देवानंद लुडबे, दत्ता पोइपकर, संजय पाताडे, वीरेश पवार यांच्यासह अन्य नागरिक उपस्थित होते. जय गणेश इंग्लिश मीडियम स्कूलची विद्यार्थिनी श्रीणीका निखिल नागवेकर हिच्या हस्ते आरक्षण सोडत काढण्यात आली.
गणनिहाय आरक्षण असे –
पेंडूर – अनुसूचित जाती महिला, कुंभारमाठ – नागरिकांचा मागास प्रवर्ग महिला, कोळंब – नागरिकांचा मागास प्रवर्ग महिला, शिरवंडे – नागरिकांचा मागास प्रवर्ग, आडवली – मालडी – सर्वसाधारण महिला, पोइप – सर्वसाधारण महिला, वराड – सर्वसाधारण महिला, चिंदर – सर्वसाधारण, आचरा – सर्वसाधारण, मसुरे मर्डे – सर्वसाधारण, वायरी भूतनाथ – सर्वसाधारण, सुकळवाड – सर्वसाधारण असे जाहीर करण्यात आले.
यावेळी नायब तहसीलदार प्रिया हर्णे, विनायक जांभेकर, एन एन प्रभू देसाई, महसूल सहाय्यक एम जी गवस आनंद तोंडवळकर आदी उपस्थित होते.
