मालवण :
पेंडूर येथील दिलीप सावंत यांची शिंदे गटाच्या शिवसेनेच्या उपजिल्हाप्रमुख पदावर निवड करण्यात आली आहे. या संदर्भातील नियुक्तीपत्र त्यांना कुडाळ–मालवण विधानसभा मतदारसंघाचे आमदार निलेश राणे यांच्या प्रमुख उपस्थितीत आणि जिल्हाप्रमुख दत्ता सामंत यांच्या हस्ते देण्यात आले.
या वेळी आमदार निलेश राणे यांनी दिलीप सावंत यांचे अभिनंदन करून त्यांना शुभेच्छा दिल्या. पक्षवाढीसाठी ते निष्ठेने काम करतील, असा विश्वासही त्यांनी व्यक्त केला. बोलताना श्री. सावंत यांनीही आमदार राणे यांच्या नेतृत्वाखाली सिंधुदुर्ग जिल्ह्यात शिवसेनेची यशस्वी घोडदौड सुरू ठेवण्याचे आणि पक्षवाढीसाठी जोमाने काम करण्याचे आश्वासन दिले.
या कार्यक्रमाला शिवसेनेचे जिल्हाप्रमुख संजु परब, दादा साईल, दीपक पाटकर, संतोष साठविलकर, वरची गुरामवाडी सरपंच शेखर पेणकर, पेंडूर सरपंच नेहा परब, राजन माणगावकर, आतिक शेख, शेखर फोंडेकर, विनित भोजने, शाम आवळेगावकर, अमित सावंत, सागर माळवदे, नंदकुमार परब, अण्णा कुबल, अनिल ढोलम, दयानंद चव्हाण, बिपीन परब, अशोक परब, भाई परब, विलास बांदेकर, मंथन कुबल यांच्यासह मोठ्या संख्येने कार्यकर्ते उपस्थित होते.
