*जागतिक साहित्य कला व्यक्तित्व विकास मंचच्या सन्मा सदस्या ज्येष्ठ लेखिका कवयित्री सौ.मंजिरी अनसिंगकर लिखित श्री गजानन महाराज शेगांव समाधी दिनानिमित्त अभंग रचना*

|| संजीवन समाधी सोहळा ||

भाद्रपद शुद्ध | पंचमीचा दिन|

गुरू गजानन| समाधिस्त||—–१

गुरु प्रगटले|भक्तांच्या स्वप्नात|

समाधीचे वृत्त| कथियेले ||——२

सडा संमार्जन| करी रस्त्यावरी |

मनोभावे नारी|गोमयाचे||——–३

रथयात्रा चाले| रात्री मार्गावर |

रांगोळ्या सुंदर| रेखीयेल्या||—-४

भक्तांचा मेळावा |जमला अपार|

भजन सुस्वर |दिंड्या चाले||—–५

भक्तजन रथी |पैसे उधळती |

वाटे खिरापती |मोदभरे ||——–६

रात्रभर चाले | गुरूचा सोहळा |

मोद हाआगळा |शेगांवी हो ||—-७

उत्तराभिमुख |मूर्ती ही साजिरी |

अभिषेक वरी | केला असे ||—८

बंद केले द्वार | लावूनी या शीळा |

समाधी सोहळा |संपन्नला ||—–९

गुरू गजानन| लिहविते झाले |

भाग्य हे फळले | मंजिरीचे||–१०

सौ.मंजिरी अनसिंगकर नागपूर.

मो.नं. 7020757854