*जागतिक साहित्य कला व्यक्तित्व विकास मंचचे सन्मा सदस्य ज्येष्ठ कवी गीतकार गायक संगीतकार श्री अरुणजी गांगल लिखित अप्रतिम काव्यरचना*
*”श्रीकृष्णाची पालखी”*
थकले झाले अधीर नयन
मोहना देशी कधी दर्शन!!
*”राधाकृष्ण गोपाल कृष्ण”*
कृष्ण राधे वीण राहे न क्षण
राधा करी जीवन अर्पण!!
*”गोविंद राधे गोविंद”*
कृष्ण जन्म आज शुभ दिन
जीवा शिवा भेटला आनंद!!
*”गोपाळा देवकीनंदन गोपाळा”*
कुंजवनी वेणु वाजवी श्रीरंग
स्वर ऐकून गवळणी दंग!!
*”पायी हळूहळू चाला मुखाने गोविंद बोला”*
मधुर स्वर येती बासरीतून
विसरती घरदार देहभान!!
*”राम कृष्ण हरी राम कृष्ण हरी”*
द्रौपदीचे वेळी धावे संकटी
विष प्राशिले मीरे साठी!!
*”राधा रमण हरी गोविंद”*
गोकुळ आनंदले कृष्ण येण्यानं
राधा सृष्टीस लाभे चैतन्य!!
*”राधा कृष्ण गोपाल कृष्ण”*
सर्वाकर्षणाचे केंद्र कृष्ण
सुंदरतम रसिकेंद्र मोहन!!
*”गोविंद राधे गोविंद”*
कृष्ण जन्माचा दहीकाला दिन
ब्रह्मरूप हंडीचा मिळे प्रसाद!!
*”राम कृष्ण हरी राम कृष्ण”*
वेदशास्त्र नृत्य संगीत निपुण
निसर्गपूजक शिकवे पशुपालन!!
*”राधा रमण हरी गोविंद”*
खट्याळ मुत्सद्दी त्रिभुवनांत
कृष्णनिती करी मार्गदर्शन!!
*”कृष्ण कृष्ण म्हणा कृष्ण कृष्ण”*
केस काळे कांती चिरतरुण
राजस मुकुटधारी दिसे शोभून!!
*”गोपाळा देवकीनंदन गोपाळा”*
संघ शक्ती शिकवे कृष्णनीती
प्रेमळ गंभीर प्रसंगावधानी!!
*”गोविंद राधे गोविंद”*
करांत मुरली चक्र सुदर्शन
भक्तांसाठी उचले गोवर्धन!!
*”पायी हळूहळू चाला मुखाने गोविंद बोला”*
कृष्णास जावे अनन्य शरण
कृष्ण सर्वांचे करील कल्याण!!
श्री अरुण गांगल कर्जत रायगड महाराष्ट्र.
पिन.410201.Cell.9373811677.
