*जागतिक साहित्य कला व्यक्तित्व विकास मंच तथा काव्य निनाद साहित्य मंचच्या सन्मा सदस्या ज्येष्ठ लेखिका कवयित्री प्रतिभा पिटके लिखित अप्रतिम काव्यरचना*
*मोहमयी गंधकुपी*
मोहमयी गंधकुपी
उघडता हळुवार
गंध स्मृतींचा पसरे
अचानक सभोवार – – – १
आई आठवली मला
वात्सल्याची जणू मूर्ती
गोड वागणूक तिची
तिच्यामुळे माझी कीर्ती –२
सखी लाभली प्रेमळ
स्नेह मिळे वारंवार
संकटात साथ केली
दिला मजला आधार – – – ३
माझे गुरू प्रज्ञावंत
शिकवण त्यांची खास
विपरीत जरी स्थिती
कधी नाही झाला त्रास — ४
मोहविती जुन्या स्मृती
माझी मी नच राहिले
इतिहास जुना सारा
अचानक आठवले – – ५
मोहमयी गंधकुपी
तिच्या पडले प्रेमात
किती सुंदर लाभला
स्मृतिगुच्छ हा हातात – – ६
प्रतिभा पिटके
अमरावती
