*जागतिक साहित्य कला व्यक्तित्व विकास मंच तथा लालित्य नक्षत्रवेल समूहाच्या सन्मा.सदस्या ज्येष्ठ लेखिका कवयित्री सौ मंजिरी अनसिंगकर लिखित अप्रतिम गवळण*
यशोदेच्या कान्हा भारीच ग खट्याळ
गोपीका मात्र साध्या भोळ्या मवाळ|धृ||
घरांत घुसुनी खाई,दूध दही लोणी
आवाज मांजरीचा काढतसे कोणी
खोड्यांना त्याच्या नसे वेळ काळ
गोपीका मात्र साध्या भोळ्या मवाळ. ||१||
गोपीकांच्या करी मागे मागे फार
पदर ओढे,वाट अडवे,सतावे अपार
कान्ह्याच्या तक्रारींचा झाला हो सुकाळ(खूप या अर्थी)
गोपीका मात्र ,साध्या भोळ्या मवाळ||२||
तरीही लोभस कान्हा, आवडे सर्वांना
पावरी त्याची वेड लावी सजीवांना
मंत्रमुग्ध करी, सर्वांना हा लडिवाळ
गोपीका मात्र साध्या भोळ्या मवाळ ||३||
सौ.मंजिरी अनसिंगकर नागपूर.
