जिल्हास्तरीय रानभाजी महोत्सव कणकवलीत १३ ऑगस्टला

आरोग्यदायी रानभाज्यांची चव व महत्त्व अनुभवण्याची संधी”

कणकवली

आत्मा सन २०२५-२६ अंतर्गत कणकवली येथील एचपीसीएल हॉल, कणकवली कॉलेजमध्ये १३ ऑगस्ट २०२५ रोजी सकाळी १०.०० ते संध्याकाळी ५.०० वाजेपर्यंत जिल्हास्तरीय रानभाजी महोत्सवाचे आयोजन करण्यात आले आहे.

या महोत्सवात रानभाज्यांची ओळख, त्यांचे आहारातील पोषणमूल्य, तसेच रानभाज्यांचे प्रदर्शन व पाककृती स्पर्धा आयोजित करण्यात येणार आहेत.

हा महत्त्वपूर्ण उपक्रम अध्यक्ष श्री. अण्णा तेंडुलकर यांच्या संकल्पनेतून आणि आत्मा कार्यालयाच्या पुढाकाराने साकारत आहे. शेतकरी सल्ला समिती कणकवलीचे मा. अध्यक्ष व सर्व मा. सदस्यांनी महोत्सवाला उपस्थित राहावे, असे आवाहन आयोजकांकडून करण्यात आले आहे.

या महोत्सवाबाबत सामाजिक कार्यकर्ते अजित नाडकर्णी यांनी माहिती देताना सांगितले की, “रानभाजी वर्षातून एकदा तरी खाल्लीच पाहिजे. या भाज्यांमध्ये प्रोटीन, कार्बोहायड्रेट, कॅल्शियम आणि ऑक्सिजन यांसारखे शरीराला उपयुक्त घटक भरपूर प्रमाणात असतात.”

श्री. अण्णा तेंडुलकर यांच्या पुढाकाराचे कौतुक करत नाडकर्णी म्हणाले की, “हा उपक्रम ग्रामीण जनतेसाठी आरोग्यदायी आणि प्रेरणादायक ठरेल.”

—

🖋️ अजित नाडकर्णी, संवाद मिडिया

—

शीर्षक (Heading):
“कणकवलीत १३ ऑगस्टला रानभाजी महोत्सव — आरोग्यदायी रानभाज्यांची चव व महत्त्व अनुभवण्याची संधी”