*जागतिक साहित्य कला व्यक्तित्व विकास मंचच्या सन्मा सदस्या ज्येष्ठ लेखिका कवयित्री संगीता कुलकर्णी लिखित अप्रतिम काव्यरचना*
*अनामिक सखी*
अचानक भेटली
अनामिक सखी
मोरपंखी हसून गेली
येऊन माझ्या उंबरठ्यावर
क्षणिक विसावली
अजून देहभान विसरून हिंदोळ्यावर बसते का?
तुझ्या शब्दांतून मोती सांडतात का ?
भारावतो का ? ओल्या मातीचा वास
पहिल्या पावसात भिजायला धावतेस का ?
भावलेल्या स्वप्नांची वही लिहीतेस का?
कधी सप्तसुरांचा संध्या राग आळवतेस का ?
सांग ना सखे
अधून मधून अशीच भेटशील का?
माझ्यात तू तुझ्यात मी
गुंतशील का ?
सांग ना सखे….!!
लेखिका/ कवयित्री
संगीता कुलकर्णी— ठाणे@
9870451020
