रत्नागिरी :

महिलांना रोजगाराच्या संधी निर्माण व्हाव्यात आणि कोकणातील पर्यटन क्षेत्रात त्यांचा सक्रिय सहभाग वाढावा या उद्देशाने, महर्षी कर्वे स्त्री शिक्षण संस्थेच्या बाया कर्वे व्होकेशनल ट्रेनिंग इन्स्टिट्यूट (BKVTI) तर्फे “पर्यटनातील करिअर – दिशा आणि संधी”. या विषयावर एका मोफत एज्युकेशनल सेमिनार आयोजन करण्यात येत आहे.

आज कोकणात पर्यटनासाठी व व्यवसायासाठी अनेक संधी उपलब्ध आहेत. व यात महिलांनाही अनेक संधी मिळणार आहेत. एअरपोर्ट, हॉटेल्स, ट्रॅव्हल कंपन्या, रिसॉर्ट्स याठिकाणी नोकरीच्या संधी टुर गाईड, टुर कोऑर्डिनेटर, फ्रंट ऑफिस एक्झिक्युटिव्ह अशा भूमिका निभावण्याची तयारी कोकणातील महिलांसाठी स्थानिक व आंतरराष्ट्रीय पर्यटनात सहभाग घेण्याची संधी, स्वताचे होम स्टे अशा व अनेक विविध संधी उपलब्ध आहेत. पर्यटन करताना करिअर घडवता येईल का? ट्रॅव्हल, टुरिझम अँड हॉस्पिटॅलिटी क्षेत्रात काम करता येईल का ? पदवी शिक्षण करताना पर्यटन विषयातील व्यवसायिक शिक्षण घेता येईल का असे अनेक प्रश्न महिलांना सतावत असतात. यासाठी संपूर्ण कोकणातील महिलांसाठी एक नवी दिशा देणारा हा सेमिनार असणार आहे.

या सेमिनारमध्ये महिलांसाठी पर्यटन क्षेत्रात उपलब्ध असलेल्या संधी, आवश्यक कौशल्ये, कोकणातील पर्यटन उद्योगाचा विस्तार, आणि पुढील काळात पर्यटनात उदयास येणाऱ्या करिअरच्या दिशा याबाबत तज्ज्ञ पर्यटन क्षेत्रातील विविध तद्न्य व्यक्ती मार्गदर्शन करणार आहेत. तज्ज्ञांचे मार्गदर्शन , प्रश्नोत्तर सत्र होणार असून सहभागी होणार्यांना सहभाग प्रमाणपत्र मिळणार आहे. हा सेमिनार साठी प्रवेश विनामूल्य असून मात्र पूर्वनोंदणी आवश्यक आहे.

हा मोफत सेमिनार दिनांक सोमवार, २१ जुलै २०२५ दुपारी २ ते सायंकाळी ५ या वेळात हॉटेल विवा एक्सिक्यूटिव्ह, व्यंकटेश हॉटेल, मारुती मंदिर, रत्नागिरी येथे संपन्न होणार आहे. यात विविध विषयांवर या सेमिनारच्या नंतर BKVTI तर्फे 12वी नंतर कोणत्याही शाखेतील महिलांसाठी एक वर्षाचा पार्ट टाईम डिप्लोमा कोर्स सुरू करण्यात येणार आहे. शिक्षणासोबतच करिअर तयार करण्याची संधी यामार्फत महिलांना मिळणार आहे. नोंदणी व अधिक माहितीसाठी 7499821369 या नंबर वर संपर्क साधावा.

पर्यटन क्षेत्रात “काहीतरी वेगळं करायचं आहे!” असे वाटत असेल, तर ही संधी न गमावता सेमिनार साठी सर्व महिला व मुलीनी व पालकांनी उपस्थित राहण्याचे आवाहन महर्षी कर्वे स्त्री शिक्षण संस्थेच्या रत्नागिरी प्रकल्प, BKVTI स्थानीय व्यवस्थापन समिती सदस्या व प्राचीन कोकणच्या संचालिका सौ. स्वरूपा सरदेसाई ,प्रकल्प समन्वयक श्री. स्वप्निल सावंत, यांनी केले.