*जागतिक साहित्य कला व्यक्तित्व विकास मंचचे सन्मा सदस्य कवी अरुण वि देशपांडे लिखित अप्रतिम काव्यरचना*

।। गण गण गणात बोते ।। जय गजानन श्री गजानन ।।

__________________________

श्री गजानन विजय काव्यांजली काव्यपुष्प-१०६ वे

अध्याय -१८ वा, कविता- ४ थी

___________________________

श्री गजानन विजय ग्रंथाचे पारायण ।करा,होण्या शंका निरसन । होण्या भवतापांचे हरण । जावे गजानना शरण ।।१।।

राजाराम कवर नावाचा । निष्ठावान भक्त गजानानांचा ।

दुर्धर आजार त्याचा । होईना बरा काही केल्या ।।२।।

दूरदूरचे डॉक्टर आले । उपाय करून थकले । यश त्यांना नाही आले । भाऊचे दुखणे होई असह्य ।। ३।।

मग भाऊने एक केले । त्याने स्वामिस विनवले । तुम्हीच

पाहिजे काही केले । आता माझ्यासाठी ।।४।।

कवराची विनवणी । ऐकली स्वामींनी । मध्यरात्री आली । एक दमणी ,भाऊच्या दारापाशी ।।५ ।।

निजल्या जागेवरून भाऊस दिसले । एक ब्राह्मण आलेले ।

कवराच्या बंधूंनी विचारले । कुठून येणे केले ? ।।६।।

ब्राह्मण बोले । गजा नाम माझे भले । शेगावाहून येणे झाले।

भाऊस तीर्थ अंगारा देण्यासी ।।७ ।।

लाविता तीर्थ अंगारा । फोड फुटला भराभरा । भाऊस धीर आला जरा । व्याधी बरी झाली त्याची ।।८ ।।

पुढे भाऊ बरा झाला ।तो स्वामींच्या दर्शनाला। शेगावी आला । स्वामींना भेटला ।।९ ।।

समर्थ म्हणती भाऊला । ब्राह्मण तीर्थ अंगारा देऊन गेला ।

त्याच्या गाडी बैला । तू नाही चारा दिला ।।१०।।

भाऊस मग उमजले। ब्राम्हणरूपात स्वामी आले । कृपा करूनिय गेले। भक्तवत्सल गजानन स्वामी ।। ११।।

*********

करी क्रमशः लेखन कवी अरुणदास

__________________________

-कवी अरुणदास ” अरुण वि. देशपांडे – पुणे.

___________________________