*जागतिक साहित्य कला व्यक्तित्व विकास मंचच्या सन्मा सदस्या ज्येष्ठ लेखिका कवयित्री उज्ज्वला सहस्त्रबुद्धे लिखित अप्रतिम काव्यरचना*
*पर्यावरण*
जसं तान्ह्या बाळास पांघरूण,
तसं अवनीस घातले आवरण !
आतून उबदार, बाहेर देखणे,
निसर्गाचे ल्यायले तिने लेणे !
सृजन निर्मिती करीतसे धरा,
सिंचन तिला पावसाचे करा!
माती पाण्याच्या संगतीत,
हिरवी रोपे भूवर तरतात!
जगवते ती प्राणिमात्रांना,
जाणीव ठेवा तिची मना!
सांभाळावी जीवापाड तिला,
हानी न करावी भूतलाला!
पंचमहाभूतांची निर्मिती,
ईश्वरे केली प्राणीमात्रांसाठी!
जपू या पर्यावरणाला,
उतराई होऊ या सृजन सृष्टीला!
जाणीव कायम मनात ठेवू,
पर्यावरणाला जपून राहू!
नाही पर्यावरणाचा एकच दिन,
साथ देऊ त्यास आपण रात्रंदिन!
उज्वला सहस्रबुद्धे
