तरळे ग्रामपंचायत येथे 3 जून रोजी गृहउपयोगी वस्तू संच वाटपाचा कार्यक्रम

सिंधुदुर्गनगरी

महाराष्ट्र  इमारत व इतर बांधकाम कामगार कल्याणकारी मंडळांतर्गत जिल्ह्यातील नोंदीत जिवीत (सक्रिय) बांधकाम कामगारांना गृहउपयोगी वस्तू संच (भांडी वाटप) करण्यात येते आहे. मे. मफतलाल इंडस्ट्रिज लि. यांच्या मार्फत वैभववाडी तालुक्यामध्ये संचाचे वाटप करण्यात येणार होते परंतू वैभववाडी रस्त्याची काम सुरु असल्याने वस्तू संच वाटपाचा कार्यक्रक दि. 3 जून 2025 रोजी  तरळे ग्रामपंचायत येथे आयोजित करण्यात आलेला आहे. सर्व बांधकाम कामगारानी यांची नोंद घेण्याचे आवाहन सरकारी कामगार अधिकारी यांनी केले आहे.

             या गृहउपयोगी वस्तू संच हे विनामुल्य देण्यात येत आहे. तसेच संप प्राप्ती करता काही कामगार हे एजंट, व्यक्ती किंवा संघटना यांच्याशी आर्थिक व्यवहार करीत असल्याचे समजत आहे. तरी या कार्यालयामार्फत असे  सूचीत करण्यात येते की कामगारांनी अशा कोणत्याही व्यक्ती, एजंट किंवा संघटना यांच्याशी कोणत्याही प्रकारचा आर्थिक व्यवहार करु नये, जर अशा प्रकारच्या आर्थिक व्यवहारातून फसवणूक झाल्यास त्यास सरकारी कामगार कार्यालय जबाबदार रहाणार नाही. तरी अशा फसवणूकीबाबत तक्रार असल्यास जवळच्या पोलीस ठाणेमध्ये संपर्क करुन रितसर तक्रार दाखल करण्यात यावी, असे आवाहन सरकारी कामगार अधिकारी सिंधुदुर्ग याकार्यालयामार्फत करण्यात येत आहे.