🛟🛟🛟🛟🛟🛟🛟

*मी मस्त आहे*

वय झाले अजून मस्ती *गेली नाही*
विचार धावतात पण शरीर साथ *देत नाही*
कळते आहे पण वळत नाही
कोणावर विश्वास ठेवायचा तेच *समजत नाही*
*तरी पण मी मस्त आहे..*

काय होतय सांगता *येत नाही*
दुखतात गुढगे *सांगायचे नाही*
कुणाकडे जाता *येत नाही*
सावकाश चालायचे हेच आता उरले
*तरी पण मी मस्त आहे..*

थकले शरीर जरी
नजर अजून *शाबूत आहे*
थकल्या जीवाला
थोडी उभारी *देत आहे*
*तरी पण मी मस्त आहे..*

दात पोखरून टोप्या घातल्यात
तेव्हा कुठे दुःख थांबले
*कुस्करून खाल्ले*
तेव्हां पचायला लागले
*तरी पण मी मस्त आहे….*

वाचायला घेतले धुरकट दिसते
चष्मा लावला तर पाणी सुटते
डोळे पुसत वाचण्यापेक्षा
*न वाचलेले परवडते*
*तरी पण मी मस्त आहे…*

लिहायला घेतले तर *हात कापतात*
शब्दांवरच्या रेषा *सरळ कुठे येतात*
साधी स्वाक्षरी पण *धड येत नाही*
चेक परत का येतात *तेच समजत नाही*
*तरी पण मी मस्त आहे..*

काळेनिळे मोजे उलटून सुलटून पहातो
तरीसुद्धा कधीतरी रंग धोका देतो
उलटा बनियन तर नेहमीच असतो
तरी बरे तो आत झाकला जातो
*तरी पण मी मस्त आहे..*

कानात हुंकार वाजत असतात
शब्द अस्पष्ट ऐकू येतात
अनुभवाने समजून घेतो
आणि मगच उत्तर देतो
*तरी पण मी मस्त आहे..*

वाचयला घेतले तरी लक्ष लागत नाही
वाचलेले सुद्धा काही लक्षात रहात नाही
मित्रांशिवाय कुणाला काही सांगत नाही
समदुःखाची कथा बाकीच्यांना पटणार नाही
*तरी पण मी मस्त आहे…*

बरेच आयुष्य जगून घेतले
अजून थोडे बाकी आहे
उरलेले मात्र सुखात जावे
येवढीच इच्छा बाकी आहे
*तरी पण मी मस्त आहे..*

संसाराचे सारे पाश
आता पूर्ण सोडायचे आहेत
उरलेली पुंजी संपे पर्यंत
आनंदी जगायचे आहे
*तरी पण मी मस्त आहे..*

आपल्याच धुंदीत जगलो आहे
पाहिजे ते मिळवले आहे
उपभोगून आयुष्य सारे
गात्रे शिथिल होत आहेत
*तरी पण मी मस्त आहे..*

आयुष्यात ज्यांनी साथ दिली
काहींनी मधेच साथ सोडली
कोणाचेच काही अडलं नाही
तरी सर्वांचा मी आभारी आहे
*तरी पण मी मस्त आहे..*

प्रत्येक जण एकटाच जन्म घेतो आणि मरतो
जन्म घेतांना स्वतः रडतो बाकी खुश होतात
मरतांना आपण शांत असावे
बाकी काय करतात त्यांची चिंता नाही
*तरी पण मी मस्त आहे..*

भार कोणावर टाकायचा नाही
झटपट मात्र बोलावणे यावे इतरांना हवे हवे वाटतांना आपण निसर्गात विलीन व्हावे
*तरी पण मी मस्त आहे..*

*तिथे पण मी मस्त रहावे..* ..
आणि हो… हे सारं कोणी लिहीले कधी लिहीले का लिहीले कुठे लिहिले लिहीले याबाबत मी स्वतः अनजान आहे
*तरी पण मी मात्र मस्त आहे..*

*सर्व वरिष्ठ पण मनाने चिरतरुण असणाऱ्या नागरीकांना समर्पित*🌹
*संग्रह©अजित नाडकर्णी©शुभांजीत श्रृष्टी*