सावंतवाडी येथील सैनिकी मुलांचे वसतिगृहामध्ये प्रवेश अर्ज सुरु
सिंधुदुर्गनगरी
शैक्षणिक वर्ष 2025-26 करीता सावंतवाडी येथील जिल्हा सैनिक कल्याण कार्यालयाच्या अधिपत्याखालील सैनिकी मुलांचे वसतिगृहात सावंतवाडी येथे प्रवेश पुस्तिका विक्री सुरु आहे. प्रवेश अर्ज स्विकारण्याची अंतिम तारीख 30 जुन 2025 पर्यंत आहे. तरी जिल्ह्यातील सर्व शहीदांच्या वीरपत्नी, माजी सैनिक, सेवारत सैनिक, माजी, सैनिक विधवा पत्नी आणि त्यांची अनाथ पाल्ये यांनी याचा लाभ घेण्याचे आवाहन निवासी उपजिल्हाधिकारी तथा जिल्हा सैनिक कल्याण अधिकारी मच्छिंद्र सुकटे यांनी केले आहे.
जिल्हा सैनिक कल्याण कार्यालयाच्या अधिपत्याखाली सावंतवाडी येथील सैनिकी मुलांचे वसतिगृह कार्यान्वित असून या वसतिगृहाची क्षमता 60 मुलांची आहे. या शैक्षणिक वर्षामध्ये सैनिकी पाल्याचे प्रवेशाचे प्रामाण कमी झाल्यास इतर नागरीकांच्या पाल्यांना प्रवेश देण्यात येईल असे जिल्हा सैनिक कल्याण अधिकारी यांनी कळविले आहे. अधिक माहितीसाठी दुरध्वनी क्र. 02362 228820, 9433057257 वर संपर्क करावा.
| सेवारत सैनिक | माजी सैनिक (सवलतीचे दर ) | शहीदांच्या वीरपत्नी/ माजी सैनिक विधवा, अनाथ व अपंग पाल्य | इतर नागरिक | ||||
| भोजन, निवास व सेवा करासह | भोजन, निवास व सेवा करासह | भोजन, निवास व सेवा करासह
| |||||
| अधिकारी | जे.सी.ओ | शिपाई/ एनसीओ | अधिकारी व ऑननरी रँक | जे.सी. ओ. | शिपाई, एनसीओ | ||
| रु. 3,500/- | रु. 3,000/- | रु. 2,800/- | रु. 3,000/- | रु. 2,800/- | रु. 2,500/- | नि:शुल्क | रु.3,500/- |
टिप : प्रवेश फी व्यतिरिक्त अनामत रक्कम रु. 1,000/- आकारण्यात येईल. प्रेवश अर्ज सैनिकी मुलांचे वसतिगृह, सावंतवाडी येथे उपलब्ध आहेत.
वसतिगृह प्रवेशासाठी पुढीलप्रमाणे प्राधान्यक्रम देण्यात येईल.
प्राधान्य क्र. 1 शहीदांच्या वीरपत्नी, माजी सैनिक विधवा, माजी सैनिकांची अनाथ व अपंग पाल्य.
प्राधान्य क्र. 2 माजी सैनिकांचे पाल्य.
प्राधान्य क्र. 3. सेवारत सैनिकांचे पाल्य.
प्राधान्य क्र. 4. जागा उपलब्ध असल्यास इतर नागरीक पाल्य.
