*ज्येष्ठ साहित्यिका, उपक्रमशील आदर्श शिक्षिका, सामाजिक कार्यकर्ती, निवेदिका, कथाकार पर्यावरण प्रेमी अनुपमा जाधव लिखित अप्रतिम काव्यरचना*
*कविता*
मी लिहिन कविता
कोणी वाचो वा न वाचो
मांडीन मी शब्दयज्ञ
देव भेटो वा न भेटो
माझे शब्द दुबळयांचे
अश्रू टिपून घेतील
माझे शब्द दु:खितांना
सूर सुखांचे देतील
माझे शब्द पेलतील
ऊन वादळाचा मारा
माझे शब्द झेलतील
धुंद पावसाच्या धारा
माझ्या कवितेमधून
फुले कळ्यांची होतील
माझ्या शब्दांच्या मधून
ढग आकार घेतील
अनुपमा जाधव
