*सिंधुदुर्ग जिल्हा पोलिसांच्या वतीने मळगाव येथे ड्रग्स विरोधी मोहिमेंतर्गत जनजागृतीसाठी प्रभात फेरीचे आयोजन*

सावंतवाडी :

सिंधुदुर्ग जिल्हा पोलीसांच्या वतीने चालू असलेल्या ड्रग्स विरोधी मोहीम अंतर्गत आज रोजी मळगाव गावात  प्रभात फेरीचे आयोजन करण्यात आले. या प्रभात फेरीसाठी नागरिक व विद्यार्थी हजर होते. प्रभात फेरी झाल्यानंतर ड्रग्स विरोधी शपथ घेण्यात आली.

सावंतवाडी पोलीस ठाण्याचे पोलीस उपनिरीक्षक प्रमोद पाटील यांनी मळगाव येथील नागरिकांना ड्रग्स विरोधी महिमेसंदर्भात मार्गदर्शन व अमली पदार्थ समूळ उच्चाटनासाठी सहकार्याचे आवाहन केले.

यावेळी सरपंच हनुमंत पेडणेकर, तसेच गावातील ग्रामस्थ, महिलावर्ग, शालेय विद्यार्थी, आदि उपस्थित होते.