*जागतिक साहित्य कला व्यक्तित्व विकास मंच तथा साहित्य प्रेरणा कट्टा आजगावचे सन्मा सदस्य कवी सोमा चंद्रकला चंद्रकांत गावडे लिखित अप्रतिम काव्यरचना*

*आरवली तीर्थक्षेत्री वेतोबाचे ध्यान*

भोळ्या भक्तांच्या अंतरी

रांगेत श्रद्धेत उभा |

देव वेतोबा संयमी

कृपाळू शांतीत उभा ||१||

जसा विटेवरी उभा

सखा पांडुरंगी शोभा |

श्रद्धा दिव्यत्वाचा गाभा

माझ्या वेतोबाची शोभा ||२||

अनंत नेत्री वेतोबा

कृपा कटाक्षे पाहशी |

संकटहारी दयाळा

भक्तजनाशी पावशी ||३||

श्रद्धा सावलीने त्याच्या

ज्ञान प्रकाशात आलो |

आरवली वेतोबाच्या

तीर्थक्षेत्री एक झालो ||४||

कवी :- श्री सोमा चंद्रकला चंद्रकांत गावडे.

फणसखोल, आसोली, ता.- वेंगुर्ला,

जि.- सिंधुदुर्ग, राज्य – महाराष्ट्र.