*दिव्यांग बांधवांचा विभागवार मेळावा संपन्न*

*कुडाळ*

सिंधुदुर्ग साईकृपा अपंगशक्ती बहुउद्देशिय शिक्षण संस्था कसाल सिंधुदुर्ग व जिल्हा दिव्यांग पुनर्वसन केंद्र सिंधुदुर्ग यांच्या संयुक्त विद्यमाने मंगलवार दिनांक २९/०४/२०२५ रोजी डीगस पंचक्रोशीतील सर्व दिव्यांग बांधवांचा विभागीय मेळावा सकाळी 10.00 वाजता संपन्न झाला. या मेळाव्यामध्ये डीगस गावचे सरपंच माननीय पूनम पवार मॅडम,व ग्रामपंचायत कर्मचारी सदस्य श्यामसुंदर लोट सर संस्था अध्यक्ष अनिल शिंगाडे सर, तसेच संस्था कर्मचारी प्रणाली शिर्के, विशाखा कासले,संजना गावडे,दीपक चव्हाण आदी मान्यवर उपस्थित होते. मान्यवरांच्या वतीने स्वागत समारंभ करून कार्यक्रमाची सुरुवात करण्यात आली.संस्था अध्यक्ष अनिल शिंगाडे सरांनी दिव्यांग बांधवांना मार्गदर्शन केले. तसेच सरपंच पवार मॅडम यांनी दिव्यांगाना मार्गदर्शन केले. व शुभेच्छा दिल्या.पुनर्वसन केंद्राच्या वतीने गजानन मेस्त्री यांना वॉकिंग स्टिक देण्यात आली. सहा दिव्यांग बांधवांना पेन्शन योजना करण्यासाठी फॉर्म देण्यात आले व त्यासंबंधी सर्व माहिती व कागदपत्रे सांगण्यात आले.सहा दिव्यांग बांधवांना गाडीसाठी फॉर्म देण्यात आले व त्यासंबंधी सर्व माहिती सांगितली. पाच दिव्याग बांधवांचे ऑनलाईन दिव्यांग प्रमाणपत्रासाठी कागदपत्रे घेतली.या मेळाव्याला 40 हून जास्त दीव्यांग उपस्थित होते.चहा व नाश्ताची व्यवस्था डिगस ग्रामपंचायतीच्या वतीने करण्यात आली.संस्था कर्मचारी दळवी मॅडम यांनी उपस्थितांचे आभार मानून कार्यक्रम संपन्न झाला असे जाहीर केले.