*जागतिक साहित्य कला व्यक्तित्व विकास मंचच्या सन्मा सदस्या लेखिका कवयित्री मोनिका बासरकर लिखित अप्रतिम काव्यरचना*
*परतीचा प्रवास*
असता समजा आयुष्याचा परतीचा प्रवास ,
किती बर झालं असतं ,
गाठून पुन्हा मागचा टप्पा आयुष्य पुन्हा सुधारलं असतं ||
कटू आठवणी साऱ्या पुसून टाकल्या असत्या,
नव्याने बीजा आशेच्या पुन्हा पेरल्या असत्या,
पोखरणाऱ्या चिंतांची होळी पेटविली असती,
शोधली असती पुन्हा गमावलेली संधी ||
असता समजा आयुष्याचा परतीचा प्रवास ,
डांबून टाकलेल्या अश्रूंना करून दिली असती मोकळी वाट ,
उतरवून टाकला असता भंगलेल्या अपेक्षांचा भार ||
असता समजा आयुष्याचा परतीचा प्रवास ,
बांधला असता पुन्हा तुटलेल्या स्वप्नांचा बांध ,
दूर लोटून नकारात्मकता केली असती पुन्हा जोमाने सुरुवात ||
कदाचित
असता आयुष्याचा परतीचा प्रवास….
©® मोनिका बासरकर
अंधेरी पूर्व, मुंबई
