*जागतिक साहित्य कला व्यक्तित्व विकास मंच तथा काव्य निनाद साहित्य मंच पुणे समूहाच्या सन्मा सदस्या ज्येष्ठ लेखिका कवयित्री प्रतिभा पिटके लिखित अप्रतिम काव्यरचना*

*पाऊस तुझ्या आठवणींचा*

प्रकार:-ओळकाव्य

*पाऊस तुझ्या आठवणींचा*

बरसतो मम हृदयी खोल

आठवती मज प्रसंग सारे

कसा सावरू माझा तोल

ठाण मांडतो जिद्द करुनी

*पाऊस तुझ्या आठवणींचा*

कसे थांबवू या गनिमाला

मनात गुंता साठवणींचा

काही कळेना काय करावे

पाठलाग हा करी निरंतर

*पाऊस तुझ्या आठवणींचा*

ओलांडेल का नश्वर अंतर ?

बोल तुझे रे मज आठविती

दिन आठवतो पाठवणीचा

पिया किती हा मजला छळतो

*पाऊस तुझ्या आठवणींचा*

प्रतिभा पिटके

अमरावती