*जागतिक साहित्य कला व्यक्तित्व विकास मंच तथा काव्यनिनाद साहित्य मंच पुणे समूहाच्या सन्मा. सदस्या ज्येष्ठ लेखिका कवयित्री प्रतिभा पिटके लिखित अप्रतिम काव्यरचना*

*घेईन भरारी* 

दशाक्षरी

आव्हानांचे लावून अत्तर

घेईन भरारी गगनात

सजवुन यशाची सुमने

फुलविन आशा जीवनात १

कधी रंगविन चित्र नवे

स्वप्न बघुनिया नयनात

नवतेजाचे रंग तुषार

उधळून तप्त हृदयात २

आकाश ठेंगणे मजसाठी

क्षितिजाशी नाते जुळतांना

कोण मज अडवू शकेल

ध्येय माझे पूर्ण करतांना 3

अपयश मिळेल मजला

भीती मुळीच नाही मनात

पुरुषार्थ , साद घालतसे

प्रकाश येतांना जीवनात ४

कितीही संकटे आली तरी

नाही कधी मला थांबायचे

वादळाशी झुंजून नेटाने

यश मजला मिळवायचे ५

प्रतिभा पिटके

अमरावती