सावंतवाडी :

सावंतवाडी येथील मुक्ताई ॲकेडमीने व्हिजन, मुंबई यांच्या सहकार्याने शालेय विदयार्थी आणि विदयार्थिनींसाठी “आवाज व अभिनय कार्यशाळेचे” आयोजन केले आहे.सोमवार 28 एप्रिल ते गुरुवार 1 मे रोजी सकाळी 9:30 ते सायंकाळी 5:30 या वेळेत सावंतवाडीतील श्री.पंचम खेमराज महाविदयालयात कार्यशाळेचे आयोजन करण्यात आले आहे.प्रौढ व बालनाट्य चळवळीचा चौतीस वर्षे अनुभव असलेले मुंबई येथील लेखक-दिग्दर्शक व आवाज तज्ञ श्री.श्रीनिवास नार्वेकर आणि स्वरुपा सामंत यांचे मार्गदर्शन मुलांना लाभणार आहे.

इयत्ता पाचवी ते दहावीतील विदयार्थ्यांसाठी सोमवार 28 ते बुधवार 30 एप्रिल रोजी सकाळी 9:30 ते सायंकाळी 5:30 आणि पहिली ते चौथीतील विदयार्थ्यांसाठी सोमवार 28 ते बुधवार 30 एप्रिल रोजी दुपारी 2 ते सायंकाळी 5:30 या वेळेत आवाज, संवाद कौशल्य आणि अभिनय याविषयी मार्गदर्शन करण्यात येईल.गुरुवार 1 मे रोजी दुपारी 3 ते सायंकाळी 6 या वेळेत सर्वांसाठी मुलांच्या कलागुणांचे सादरीकरण करण्यात येईल.”या पुढे मुलांसाठी बालनाट्य, गायन आणि संगीत विषयक कार्यक्रम घेणार असल्याचे”, मुक्ताई ॲकेडमीचे अध्यक्ष श्री.कौस्तुभ पेडणेकर यांनी सांगितले.या कार्यशाळेत नोंदणीसाठी व अधिक माहितीसाठी श्री.कौस्तुभ पेडणेकर मो.क्र.8007382783 यांच्याशी संपर्क करावयाचा आहे.