*जागतिक साहित्य कला व्यक्तित्व विकास मंचच्या सन्मा सदस्या ज्येष्ठ लेखिका कवयित्री सौ स्मिता श्रीकांत रेखडे लिखित अप्रतिम काव्यरचना*

*लंकेवर विजय* (रामसीता मिलन)

राम रावण युद्ध चाले मदतीला वानरसेना

रणनिती सेनापती अंगद, नल करी नेतृत्व

जांबुवंत हनुमंत शेवटी लंका युद्ध तयारी

धर्मनिष्ठ बिभीषण समजावी रामाचे कर्तृत्व ||१||

शिवभक्त रावणाचे गर्वहरण होई लंकापुरी

ककुत्स्थ कुळातील पुरूषोत्तम बंधु रणागंणी

बलवान,युध्द प्रवीण मेघनाथ पडे धारातिर्थी

लक्ष्मण झेली बिभीषणा वरील वार समरागंणी ||२||

बिभीषण समजावी नको अभिलाषा सीतेची

कुंभकर्ण मायावी शक्ती तुडवी वानरसेनेला

लंकेचा सर्व नाश अटळ समजावी मंदोदरी

लक्ष्मणास्तव दास आणी संजीवनी पर्वताला ||३||

लंका विजय, सीता भेटीचा क्षण येई समीप

रावणाचा तीर लागता रथाच्या शिखरध्वजाला

होई अन्यायावर न्यायाचा,सत्याचा जयजयकार

क्रोधित रामाचा तीर छेदी रावणाच्या भाळाला ||४||

बिभीषण होई नृप रावण वध होता लंकापुरी

लंका विजय श्रीराम श्रीराम गुंजे रणक्षेत्रावर

अग्निपरीक्षा देऊनी सतीत्व लाभले सीतेला

पुण्य भाग्याने राम राम वदता तरतो भवसागर ||५||

रघुकुल भूषण निघती दुहितेसह अयोध्येला

देवता गंधर्वाचे सुर लाभे रामसीता मिलनाला

अयोध्या नगरी सजली गुढ्या,पताका,तोरणाने

क्षण नटला सजला अयोध्येत विजयादशमीला ||६||

सौ. स्मिता श्रीकांत रेखडे.