*जागतिक साहित्य कला व्यक्तित्व विकास मंचचे सन्मा सदस्य कवी अरुण वि. देशपांडे लिखित अप्रतिम काव्यरचना*

।। गण गण गणात बोते ।। जय गजानन श्री गजानन ।।

___________________________

श्री गजानन विजय काव्यांजली काव्यपुष्प -९२ वे

अध्याय – १६ वा, कविता- २ री

__________________________

बोले भागाबाई-पुंडलीका- गुरू ज्ञानी असावा । शास्त्र-निपुण असावा । त्याने भक्ती-पंथ दावावा । आपल्या भक्तांना ।।१।।

गजाननाच्या ठायी । चिन्ह यातले एक ही नाही । असा गुरू कामाचा नाही । पुंडलीका,तू चाल माझ्यासावे ।। २।।

हे शब्द ऐकून । गेले गोंधळून । पुंडलिकाचे मन । काही सुचेना त्यास ।। ३ ।।

मग पुंडलिक बोलला । त्या भागाबाईला । जाऊ उद्या

अंजनगावाला । ऐकू कीर्तन तिथले ।। ४ ।।

झोपेत त्याला स्वप्न पडले । पुंडलीकाने स्वप्नात पाहीले। पुरुष समोर उभे राहिले । समर्थासारखे दिसणारे ।। ५ ।।

तो पुरुष बोले । पुंडलीका, भागीचे शब्द तू ऐकले ।

आणि कबुल केले । सोबत येण्याचे ।।६ ।।

पुंडलीका, कानी काही सांगितले । म्हणून का ते गुरू बोल झाले ? । गुरुमंत्र असा नसे रे ।।७ ।।

गण गण ” मंत्र दिला । कानात त्यास सांगितला । आनंद झाला । त्या पुंडलिकाला ।।८ ।।

***********

क्रमशः करी हे लेखन कवी अरुणदास

____________________________

कवी अरुणदास- अरुण वि. देशपांडे – पुणे.

__________________________