*जागतिक साहित्य कला व्यक्तित्व विकास मंचच्या सन्मा सदस्या ज्येष्ठ लेखिका कवयित्री अनघा अनिल कुळकर्णी लिखित अप्रतिम काव्यरचना*

*जडले नाते आकाशाशी धरणीमातेचे*

लाभली लावण्य सुंदर कन्या

राजा जनक राणी सुनयनाला

अडकला अग्रभाग सीत भूमीत

नाव सीता परब्रम्ह आदिशक्तीला… .. १

थोर माता पित्याची आयुष्मती सीता

वैदेही असे विदेही जनकाची लाडली

जनकांची मानसकन्या असे जानकी

मिथिलेची राजकन्या असे मैथिली… . २

बालपणी खेळतसे सीता धनुष्याशी

जानकी झाली प्रिय जनकपुरीत

पूजा निरंतर पिनाक धनुष्याची

आली समृद्धी मिथिला नगरीत… … ..३

सीता आहे देवता वदले महाराज

अर्पेन कन्या त्या पुरूषोत्तमाला

केली प्रतिज्ञा महाराज जनकाने

प्रत्यंचा चढवील जो शिवधनुष्याला… .. ४

तयारी स्वयंवराची मिथिला नगरीत

आज्ञा विश्वामित्रांची प्रभू श्रीरामाला

होते विराजमान बलशाली राजे

केला प्रणाम गुरुदेवांना, धनुष्याला… … ५

केले उभे शिवधनुष्य प्रभू श्रीरामाने

दिव्य निनादाने झाले तुकडे शिव धनुष्याचे

आली घेऊन वरमाला भगवती जानकी

नाते जडले आकाशाशी धरणी मातेचे… ..६

स्वयंवर झाले सीतेचे

सौ. अनघा अनिल कुळकर्णी

पुणे. 🙏🏻

RKLO 58