पखवाज अलंकार श्री महेश विठ्ठल सावंत यांची सिंधुदुर्ग जिल्हा अध्यक्षपदी नियुक्ती

सिंधुदुर्ग

शरद प्रतिभाशाली सांस्कृतिक प्रतिष्ठान, महाराष्ट्र राज्य,अध्यक्ष श्री राजाराम शेलार यांच्या नेतृत्वात, सिंधुदुर्ग जिल्हा अध्यक्षपदी पखवाज अलंकार श्री महेश विठ्ठल सावंत यांची नियुक्ती महाराष्ट्र कला भूषण तालमणी श्री प्रताप पाटील यांच्या हस्ते पत्र प्रदान करून निवड करण्यात आली आहे.

या प्रतिष्ठान मार्फत संगीत, गायक, वादक, कला, क्रीडा, सर्वसामान्य कलाकार यांना संघटित करून भविष्यात कलाकाराला आपली कला सादर करायला हक्काची अनेक व्यासपीठ निर्माण करणे,शासन दरबारी कलेची दखल योग्यरित्या करून घेणे,शासनाकडून मिळणारे लाभ मिळवून देणे,आणि आपली कला या डिजिटल युगातसुद्धा चांगल्या प्रकारे प्रगत ठेवणे आणि भविष्यातसुद्धा ती चांगल्या प्रकारे ती कशी टिकून राहील याकडे विशेष लक्ष देणे अशा अनेक बाबी या प्रतिष्ठानची उद्दिष्ट व ध्येय असतील,यासाठी तालुका निहाय अध्यक्ष सुद्धा नियुक्ती करण्यात आलेली आहे याचा लाभ समस्त संगीत गायक वादक, सर्वसामान्य कलाकार या सर्वाना नक्कीच होईल असे यावेळी सिंधुदुर्ग जिल्हा अध्यक्ष श्री महेश सावंत यांनी यावेळी बोलून दाखवले आहे तसेच याबद्दल महेश सावंत यांनी आपले गुरुवर्य डॉ. श्री दादा परब,भजनसम्राट बुवा श्री भालचंद्र केळूसकर तसेच प्रतिष्ठान चे महाराष्ट्र राज्य अध्यक्ष श्री राजाराम शेलार बुवा समस्तप्रतिष्ठान परिवार चे आभार मानले आहेत.