*जागतिक साहित्य कला व्यक्तित्व विकास मंच तथा काव्य निनाद साहित्य मंच पुणे समूहाच्या सन्मा सदस्या ज्येष्ठ लेखिका कवयित्री प्रतिभा पिटके लिखित अप्रतिम काव्यरचना*

*पाण्यासाठी काहीही*

रखरखीत वाळवंट

तापले सूर्याच्या तेजाने

वणवण करिती मायलेकी

व्व्याकुळलेल्या तहानेने १

शोध पाण्याचा घेत फिरती

दूर दूर कुठेच दिसेना

पुढे पुढे चालत असती

दाह उन्हाचा सोसवेना २

नाही चिटपाखरू एकही

दृष्टीस न पडे कुणी वाटसरू

पाण्यासाठी तळमळे जीव

म्हणती आता काय करू ३

पाणी वाचवा, पाणी जिरवा

नारा गुंजतसे जगात

जल हेच खरे जीवन

मोठ्या नद्या भारतात ४

नसावी पाण्याची टंचाई

समृद्ध सुजलाम देशात

जाणून पाण्याचे महत्व

जीव सृष्टीच्या जीवनात ५

प्रतिभा पिटके

अमरावती