*जागतिक साहित्य कला व्यक्तित्व विकास मंचचे जनसंपर्क अधिकारी विलास कुलकर्णी लिखित अप्रतिम लावणी*

लावणी : कवी

झब्बा पायजमा झोळी अशीच होती छवी

हायफाय झाला आता कवी ग बाई कवी

मोबाईल मधी रातरात उशिरा उठते स्वारी

चार ओळी लिहिता येता गगनी घेई भरारी

नोटपॅड हातामध्ये विसरला वहीपेन एरवी

हायफाय झाला आता कवी ग बाई कवी

सदा खातो भाव कविराज म्हणून मिरवी

कविवर्य कवीभूषण स्वयंघोषित ही पदवी

पुरस्कारा सदा भुकेला माजवितो यादवी

हायफाय झाला आता कवी ग बाई कवी l

करतो टीका दादागिरी फुकटची अरेरावी

हावभाव असे की मोठा नेता वाटतो भावी

लुकलुकतो काजवा बोलतो स्वतःला रवी

हायफाय झाला आता कवी ग बाई कवी l

विलास कुलकर्णी

मीरा रोड

7506848664