सावंतवाडी :
सावंतवाडी येथील भाईसाहेब सावंत आयुर्वेद महाविद्यालय, सावंतवाडी तालुका पत्रकार संघ तसेच खासकीलवाडा महिला मंडळ यांच्या संयुक्त विद्यमाने शुक्रवार दिनांक २१ मार्च रोजी मोफत आरोग्य शिबिराचे आयोजन करण्यात आले आहे. या आरोग्य शिबिरात सावंतवाडी शहरातील महिलांच्या आरोग्याची मोफत तपासणी करण्यात येणार आहे. हे आरोग्य शिबिर मुंबई येथील उद्योजक जयवंत नाईक यांच्या सहकार्यातून होत असून या आरोग्य शिबिरासाठी सावंतवाडी तालुका पत्रकार संघाने सहभाग घेतला आहे.
या आरोग्य शिबिराचे उद्घाटन शुक्रवारी सकाळी १० वाजता भाईसाहेब सावंत आयुर्वेद महाविद्यालयामध्ये होणार असून शिबिराचा लाभ घ्यावा असे आवाहन भाईसाहेब सावंत आयुर्वेद महाविद्यालयाचे अध्यक्ष ॲड दिलीप नार्वेकर, सचिव बाळासाहेब बोर्डेकर, संचालक उमाकांत वारंग यांनी केले आहे. यावेळी सामाजिक कार्यकर्त्या सौ संजना संजू परब, सीमा नाईक तसेच सावंतवाडी तालुका पत्रकार संघाचे सर्व पदाधिकारी आणि सर्व कार्यकारिणी सदस्य तसेच सावंतवाडी येथील भाईसाहेब सावंत आयुर्वेद महाविद्यालयाचे सर्व पदाधिकारी डॉक्टर्स व कर्मचारी उपस्थित राहणार आहेत.
