*जागतिक साहित्य कला व्यक्तित्व विकास मंचचे जनसंपर्क अधिकारी ज्येष्ठ लेखक कवी विलास कुलकर्णी लिखित अप्रतिम काव्यरचना*

*झोका*

उपवन झाले सदन फुलून बहरते ग

नव्या नवतीचा झोका झुलतोय ग

नव्या नवरीचं अंग अंग कवळ ग

सखा माझा अनंग चावट भृंग ग

आकाशी धावे मन झाले विहंग ग

नव्या नवतीचा झोका झुलतोय ग

भांगात कोरले श्रावणी सप्तरंग ग

हिंदोळा आशेचा कसे आवरू मन ग

ऐना लुब्ध होऊन मज न्याहळतो ग

नव्या नवतीचा झोका झुलतोय ग

झुल्यात झुलते अंग हळदीचं ग

थांबता थांबेना तो गगनी गेला ग

येता सय श्रीरंगाची भेटी धावे जीव ग

नव्या नवतीचा झोका झुलतोय ग

विलास कुलकर्णी

मीरा रोड

7506848664