मुख्यमंत्री युवाकार्य प्रशिक्षण योजनेचा कालावधी आता अकरा महिन्यांचा

सिंधुदुर्गनगरी 

 राज्यातील युवकांना त्यांच्या शिक्षणानंतर प्रत्यक्ष कामाचे प्रशिक्षण देऊन त्यांची रोजगार मिळण्याची क्षमता वाढविण्यासाठी सुरु करण्यात आलेल्या “मुख्यमंत्री युवा कार्य प्रशिक्षण योजने”चा कार्यप्रशिक्षणाचा कालावधी 11 महिने करण्यास शासन निर्णयान्वये मान्यता देण्यात आली असल्याची माहिती जिल्हा कौशल्य विकास, रोजगार व उद्योजकता मार्गदर्शन केंद्राचे सहायक आयुक्त इनुजा शेख यांनी दिली आहे.

 राज्यातील युवकांना त्यांच्या शिक्षणानंतर प्रत्यक्ष कामाचे प्रशिक्षण देऊन त्यांची रोजगार मिळण्याची क्षमता वाढविण्याकरीता दि. 9 जुलै 2024 च्या शासन निर्णयान्वये “मुख्यमंत्री युवा कार्यप्रशिक्षण योजना” कार्यान्वित करण्यात आली आहे.

             या योजनेचा पशिक्षण कालावधी 6 महिन्याचा होता. तथापि दिनांक 10 मार्च 2025 रोजीच्या शासन निर्णयान्वये प्रशिक्षण कालावधी 11 महिने करण्यात आलेला आहे. तरी ज्या प्रशिक्षणार्थींचा प्रशिक्षण कालवधी संपलेला आहे व पुन्हा 5 महिन्यांसाठी प्रशिक्षण घेण्यासाठी इच्छूक आहेत, अशा प्रशिक्षणार्थींनी दि. 30 एप्रिल 2025 पर्यंत आपल्या संबंधित आस्थापनेशी संपर्क करुन रुजू व्हावे, असे आवाहन जिल्हा कौशल्य विकास, रोजगार व उद्योजकता मार्गदर्शन केंद्राचे सहायक आयुक्त इनुजा शेख यांनी केले आहे.