*जागतिक साहित्य कला व्यक्तित्व विकास मंचचे सन्मा सदस्य कवी विनायक जोशी लिखित अप्रतिम काव्यरचना*

*तुझ्या बटांचे रूप वेगळे*

असून चित्रकार मी खानदानी

माॅडेल झाले *तुझ्याचसाठी*

बसून सामोरी रोज तुझ्या मी

कळले नाही झालेली *मोठी*

//1//

केस मिशीचे टोचता *ओठी*

ब्रशही सारे *लज्जित* झाले

मिठीत गेले *तुझ्या* कधी मी

कळले तेव्हाच *दिवस* गेले

//2//

तेव्हाच बटांनी केला *घात*

नको म्हणता कुशीत शिरले

पर्याय नव्हता लग्ना शिवाय

पत्रिके वाचून नाही *अडले*

//3//

असून *रंग* विभिन्न आपले

सद् गुणांनी *कार्य साधले*

नाही झाला *बभ्रा* कोठे

कलावतीची *कविता* झाले

//4//

म्हणून वाचते *तुझ्या* कविता

संग्रहाकरीता *रोज निवडते*

असल्या “पुष्कळ” माझ्यावरती

कुठे कधी *मर्यादा* न सोडते

//5//

मुखपृष्ठ सजले माझ्या छबीने

सात्विक असेल *प्रस्तावना*

इमेज असून चित्रकार कवीची

प्रसिद्ध करू *समारंभाविना*

//6//

*तुझ्या बटांचे रूप वेगळे*

नाव संग्रहाचे *निश्चित* केले

ऐकून तोंडाचे *चंबू झाले*

संमेलना आधी प्रकाशित झाले

//7//

विनायक जोशीं 🖋️ठाणे

मीलनध्वनी/9324324157