सावंतवाडी :
कॅथॉलिक अर्बन को – ऑप क्रेडिट सोसायटी लि. सावंतवाडी या पतसंस्थेस ‘कोकण पतसंस्था भूषण पुरस्कार’ हा मानाचा उत्कृष्ट पतसंस्था पुरस्कार देऊन गौरविण्यात आले. अलिबाग येथे हा पुरस्कार सोहळा पार पडला. मान्यवरांच्या हस्ते हा पुरस्कार देत कॅथॉलिक अर्बनला गौरविण्यात आले.
अलिबाग येथे विभागीय सह निबंधक सहकारी संस्था कोकण विभाग व कोकण विभाग नागरी सहकारी पतसंस्था संघ मर्यादित अलिबाग यांच्या संयुक्त विद्यमाने कोकण पतसंस्था भूषण पुरस्कार सोहळा २०२५ आयोजित करण्यात आला होता या २०० ते ६०० कोटी एकत्रित व्यवसाय गटात कॅथॉलिक अर्बन को-ऑप क्रेडिट सोसायटी लिमिटेड सावंतवाडी या पतसंस्थेस महाराष्ट्र राज्य पतसंस्था फेडरेशन अध्यक्ष काकासाहेब कोयटे यांच्या हस्ते उत्कृष्ट पतसंस्था पुरस्कार देऊन गौरविण्यात आले. पतसंस्थेच्या चेअरमन आनमारी डिसोजा, संचालक अगस्तीन फर्नांडिस, जनरल मॅनेजर जेम्स बोर्जिस, फ्रँकी डान्टस, फातिमा कार्डोझ, आदींना सन्मानचिन्ह रोख रक्कम व भारतीय संविधान देऊन गौरविण्यात आले.
सातत्यपूर्ण प्रगती सहकारातील योगदान आणि गुणवत्ता सिद्धतेमुळे कोकण पतसंस्था भूषण पुरस्कार हा मानाचा सन्मान कॅथॉलिक अर्बन पतसंस्थेला देण्यात आला कोकण विभागातून अनेक अर्ज आल्यामुळे ही निवड प्रक्रिया सुरशीची होती परंतु यात कॅथॉलिक अर्बन पतसंस्थेने यश मिळवले आहे.
याप्रसंगी राज्य निवडणूक प्राधिकरण आयुक्त अनिल कवडे, खासदार धैर्यशील पाटील, मिलिंदसेन भालेराव, निरंजन डावखरे, शैलेशजी कोतमिरे, प्रमोद जगताप, नंदकुमार चाळके, सुरेश पाटील, आदी उपस्थित होते
