*जागतिक साहित्य कला व्यक्तित्व विकास मंचचे सन्मा सदस्य कवी गीतकार गायक संगीतकार अरूण गांगल लिखित अप्रतिम काव्यरचना*

*”अज्ञाताचा शोध”*

मनुष्य अखंड घेतोय अज्ञाताचे शोध

ज्ञात मर्यादित आहे अज्ञात अमर्यादितIIधृII

सगुणाकार दिसतो मनोहारी चंद्र

क्षय लोप पावे निराकाराच्या पोकळींत

पुन्हा वाढे कले कलेने होई दृश्यमानII1II

विश्व रंगमंचावर चाले दृश्या-दृश्य नाट्य

तारे अंधाऱ्या रंगमंचावर तरंगतायत

अंतर्गत गुरुत्वाकर्षणामुळे नांदती एकत्रII2II

मनुष्याला एक शिर दोन पाय दोन हात

बोलण्याची व्यक्त होण्याची बुद्धी उपजत

चव रस गंध स्पर्श तर्क सुख-दुःख ज्ञानII3II

समुद्राच्या जळाचे बनती मेघ उष्णतेनं

मेघ पेलती अधांतरी प्रचंड वजन

गरजती बरसती सृष्टीला करिती संतृप्तII4II

भुकेल्याला ईश्वर देतो वेळेवर अन्न

जन्ममृत्यू वेळ अनाकलनीय अज्ञात

सूर्य चंद्र दिन-चक्र चाले अखंड नियंत्रितII5II

श्री.अरुण गांगल कर्जत रायगड महाराष्ट्र.

पिन.410201.Cell.9373811677.