भुईबावडा घाटात ट्रक व कारची समोरासमोर धडक…

वैभववाडी

खारेपाटण-गगनबावडा राज्य मार्गावर भुईबावडा घाटात ट्रक व कारची समोरासमोर धडक होऊन अपघात घडला. सुदैवाने यात कोणाही जखमी झालेली नाही. मात्र दोन्ही गाड्यांचे मोठे नुकसान झाले आहे. हा अपघात आज दुपारी घडला.

याबाबत अधिक माहिती अशी की, गगनबावडा वरून वैभववाडीकडे ऊस वाहून नेण्यासाठी ट्रक येत होता तर भुईबावड्यापासून सुमारे सहा किलोमीटर अंतरावर कार मालक आपल्या ताब्यातील गाडी घेऊन कोल्हापूर कडे जात असताना भुईबावडा घाटात दोन्ही वाहनांमध्ये जोरदार धडक होऊन अपघात घडला. अपघात झाल्याने घाटातील वाहतूक काही काळ ठप्प झाली होती. वैभववाडी पोलिसांना घटनेची माहिती समजतात पोलीस हवालदार हरिश्चंद्र जायभाय आणि मोहन राणे यांनी धाव घेत घटनास्थळी जाऊन वाहतूक सुरळीत केली. दरम्यान दोन्ही वाहन चालकांनी हे प्रकरण आपापसात मिटविल्याने वैभववाडी पोलीस स्टेशन मध्ये गुन्हा नोंद करण्यात आलेला नाही.