एसटी तिकीट दरवाढी विरोधात शिवसेना उद्धव बाळासाहेब ठाकरे पक्षाने कणकवली बसस्थानक येथे केले चक्काजाम आंदोलन..
कणकवली
एस.टी.च्या भाडेवाढ निषेधार्थ आज ठाकरे शिवसेनेच्यावतीने कणकवली बसस्थानकात आंदोलन करण्यात आले. यावेळी भाडेवाढीचा तीव्र निषेध करण्यात आला. तसेच काही वेळ एस.टी. बसेसही रोखून धरण्यात आल्या होत्या. या आंदोलनावेळी प्रवाशांना याचा त्रास होऊ नये याकरता एस.टी.त बसलेल्या प्रवाशांना पाण्याच्या बॉटल देखील वाटण्यात आल्या.
शिवसेना जिल्हाप्रमुख संदेश पारकर यांच्या नेतृत्वाखाली कणकवली बसस्थानकात चक्काजाम आंदोलन करण्यात आले. यावेळी विधानसभा प्रमुख सतीश सावंत, युवासेना जिल्हाप्रमुख सुशांत नाईक, महिला जिल्हाप्रमुख नीलम सावंत, तालुकाप्रमुख कन्हैया पारकर, तात्या निकम, युवा सेना विभाग प्रमुख किरण वरदम, सचिन सावंत, वैदेही गुडेकर, दिव्या साळगावकर, युवा सेना तालुकाप्रमुख उत्तम लोके, राजू राठोड, तेजस राणे, आदित्य सापळे, सचिन सचिन सावंत, प्रमोद सावंत, प्रसाद अंधारी यांच्यासहित वाहतूक निरीक्षक प्रदीप परब, आगार व्यवस्थापक अजय गायकवाड आदी उपस्थित होते.
संदेश पारकर यांनी यावेळी विभागीय वाहतूक अधीक्षक निलेश लाड यांच्याशी चर्चा केली. यावेळी प्रवाशांना अनेक समस्यांचा सामना करावा लागतो. कणकवली बस स्थानकातील स्वच्छतागृह अस्वच्छ झाले असून त्याची तातडीने स्वच्छता करा. यासह अन्य प्रमुख मागण्या देखील केल्या.
तर मागण्यांची पूर्तता करण्यासाठी वरिष्ठ कार्यालयाला अहवाल पाठवण्याची ग्वाही श्री.लाड यांनी दिली. तत्पूर्वी शिवसेना ठाकरे गटाच्या वतीने कणकवली बस स्थानकासमोर बस स्थानकामधून बाहेर जाणाऱ्या एसटी रोखून दरात चक्काजाम आंदोलन करण्यात आले. यावेळी एसटीमध्ये बसलेल्या प्रवाशांना याचा त्रास होऊ नये याकरता प्रवाशांना पाण्याच्या बॉटल देखील वाटण्यात आल्या. त्यावेळी शिवसेना ठाकरे गटाने आंदोलन करताना अनेक प्रश्न उपस्थित केले. जर प्रवाशांना सुविधा मिळत नसतील व बस स्थानकामध्ये सोयी सुविधा नसतील स्वच्छतागृह चांगले नसेल तर भाडेवाढी चे कारण काय. भाडेवाढीच्या नावाखाली महायुती सरकार जनतेला व प्रवाशांना वेठीस धरत असून या सरकारचा निषेध करत असल्याचेही यावेळी आंदोलन कर्त्यांनी सांगितले.
