मळगाव येथील गौरांग खडपकर याचा कुंभार समाज बांधवांच्यावतीने सत्कार

शिल्पकला विभागातून राज्यात ६ नंबरचे पारितोषिक*

सावंतवाडी

सावंतवाडी तालुक्यातील मळगाव कुंभारवाडीतील कु. गौरांग खडपकर याचा शिल्पकला विभागातून राज्यात ६ नंबरचे पारितोषिक मिळवत प्रावीण्य मिळाल्याबद्दल मळगाव कुंभारवाडी येथील कुंभार समाज बांधवांच्यावतीने त्याचा सत्कार करण्यात आला.

कला संचालनालय मुंबईमार्फत ६४ वे महाराष्ट्र राज्य कला प्रदर्शन यंदा नागपूर येथे आयोजित करण्यात आले होते. त्यात कलामंदिर महाविद्यालय, कोल्हापूर शिल्पकला विभागातून विद्यार्थी विभागात मूलभूत अभ्यासक्रमात राज्यात ६ नंबरचे पारितोषिक मळगाव कुंभारवाडी येथील कु. गौरांग बाबुराव खडपकर याला मिळाले. त्याच्या ह्या यशाबद्दल मळगाव कुंभारवाडी येथील कुंभार समाज बांधवांच्या उपस्थितीत कुंभार समाज सामाजिक संस्था महाराष्ट्र प्रदेश सिंधुदुर्ग जिल्हा प्रसिद्धी प्रमुख, कलाशिक्षक विष्णू माणगावकर यांच्या हस्ते श्रीफळ व पुष्पगुच्छ देऊन सत्कार करण्यात आला. यावेळी त्याचे अभिनंदन करून त्याला पुढील वाटचालीसाठी शुभेच्छा देण्यात आल्या. यावेळी कु. गौरांग खडपकर याचे आईवडील बाबुराव खडपकर, प्रा. गणपत शिरोडकर, नाना शिरोडकर, काशीनाथ तेंडोलकर, सिद्धेश तेंडोलकर, महेश खडपकर, संजय शिरोडकर, किशोर खडपकर, एकनाथ खडपकर, अविनाश तळवडेकर, सुंदर तेंडोलकर आदिंसह मळगाव कुंभारवाडीतील समाजबांधव उपस्थित होते.