सोनुर्ली-पाक्याचीवाडी येथे २१ रोजी श्री देवी भवानी त्रैवार्षिक गोंधळोत्सव
सावंतवाडी
सोनुर्ली-पाक्याचीवाडी भवानी मंदिर येथे मंगळवार २१ जानेवारी रोजी श्री देवी भवानी त्रैवार्षिक गोंधळोत्सवाचे आयोजन हिराप बंधू आणि सोनुर्ली पाक्याची वाडीतील ग्रामस्थांच्यावतीने करण्यात आले आहे.
यनिमित्त सकाळी ७.०० वाजता श्री देवी भवानीची विधीवत पूजा, दुपारी १२.०० वाजता बकरा मानविणे, दुपारी १.०० वाजता देवीचे दर्शन व ओटी भरणे कार्यक्रम, दुपारी २.०० वाजता महाप्रसाद, रात्री ९.०० वाजता विधीवत मांडमांडावळ, रात्री १०.३० वाजता गोंधळ घालणे व देवीची मशाल फिरविणे, रात्री १२.३० वाजता वालावलकर दशावतार नाट्यमंडळाचा पौराणिक नाट्यप्रयोग, पहाटे ५.३० वाजता गोंधळ घालणे व देवीची मशाल फिरविणे आदी कार्यक्रम होणार आहेत. भाविकांनी या सर्व कार्यक्रमांचा लाभ घ्यावा, असे आवाहन हिराप बंधू आणि सोनुर्ली पाक्याची वाडीतील ग्रामस्थांनी केले आहे.
