*जागतिक साहित्य कला व्यक्तित्व विकास मंचच्या सन्मा सदस्या ज्येष्ठ लेखिका कवयित्री विजया केळकर लिखित अप्रतिम काव्यरचना*

*सांजवेळ*

संक्रांतीचा सण साधूनी

आकाशी उडती पतंग

रंग आकार विसंगती

परि हृदयी एकच उमंग….

उंच-उंच आणिक उंच

मजा येते सोबत्यांसवे

धागा तुटता एकाचा

डोळ्यात येती आसवे….

काट देणारा स्वानंदात

जोशात ओरडे काऽट

झेलण्यास धावे जोशात

कोणी अडवू नका वाऽट….

आता नभी स्थिर एकटाच

ऐसे नाही भावत मनास

एवढ्यात झाली सांजवेळ

चला खाली, ना होता उदास….

दूर उभी एक बालिका

एकटीच होती मौज पहात

गुंडाळला विचारांचा धागा

चला घरा म्हणे मनात….

विजया केळकर______

नागपूर