*जागतिक साहित्य कला व्यक्तित्व विकास मंच तथा साहित्य प्रेरणा कट्टा आजगाव समुहाचे सदस्य कवी सोमा चंद्रकला चंद्रकांत गावडे लिखित अप्रतिम काव्यरचना*

*संकल्पाचे ठायी चिरंजीविता*

मम झाला कालनिर्णय

मी झाले आहे भूतकाल |

मी उरले स्मरणमात्रे

ठरले गतवर्षकाल ||१||

ज्यांनी केले कार्य सुंदर

त्यांच्याचपायी त्यांच्यासाठी |

कर्तृत्वहित हो सुधीर

स्मृती मी त्या अमृतांसाठी ||२||

उरले नुरले तरीही

सर्वांसाठी दिवस खास |

एक जानेवारी आणिक

एकतीस डिसेंबरास ||३||

सरत्याचा शेवट छान

रिघत्याचा प्रथम मान |

केले संकल्प निभावले

नवे यति जन्म पावले ||४||

आज एक नवा संकल्प

प्रत्येकाने करावयाचा |

समान नागरिक मान

हिंदुस्थानी पाळावयाचा ||५||

धर्म जात असोत प्यारे

अंध प्रिती सोडून द्यारे |

मानवतेच्या संस्कृतीचे

जीव मोल तोलून घ्यारे ||६||

देश माझा अन् मी देशाचा

प्रत्येकाच्या भाव मनीचा |

शुद्ध चिरंतन राखावा

अखंड देश सन्मानाचा ||७||

कवी :- श्री सोमा चंद्रकला चंद्रकांत गावडे.

फणसखोल, आसोली, ता. :- वेंगुर्ला,

जि. सिंधुदुर्ग, राज्य :- महाराष्ट्र