*जागतिक साहित्य कला व्यक्तित्व विकास मंच तथा साहित्य प्रेरणा कट्टा आजगावचे सन्मा सदस्य कवी सोमा चंद्रकला चंद्रकांत गावडे लिखित अप्रतिम काव्यरचना*

*अंधार प्रकाशत आहे सुखाने*

सूर्य अस्ताला जाताना संधीप्रकाश ठेऊन जातो |

आणि थोडयाच वेळात अंधार त्यालाही लपवतो ||१||

अंधार म्हणजे उद्याच्या गुप्त उषःकालाची नांदी

ठेऊनि संवर्धीत उष:काल महदानंद सांदी ||२||

दुःख सुखाला निघाले अवघेच ग्रासावया मात्र |

असेच ते आहे सुखाला समृद्ध करण्याचे शास्त्र ||३||

भीती संपवित आहे का तुमच्या यश शिखराला |

नव्हे भीतीचा दरारा दाऊनि लपवले यशाला ||४||

जो आनंदे यशसूर्य घाली यशमाला कर्तव्याला

यशप्राप्ती समयी वाटावा उष:काल आता झाला ||५||

घाबरणारे अपयशासह अंधारात झाले गुप्त

अंधार प्रकाशत आहे धिरोदात्तांसाठीच सुप्त ||६||

खरोखर अंधारातच सत्य प्रकटत असते

अंधारच नव्या दिशांची शोधांची जननी असते ||७||

कवी : श्री सोमा चंद्रकला चंद्रकांत गावडे.

फणसखोल, आसोली, ता.- वेंगुर्ला,

जि.- सिंधुदुर्ग, राज्य – महाराष्ट्र.