सिंधुदुर्गातील युवासेनेला ताकद देणार; आदित्य ठाकरे यांचे प्रतिपादन
मुंबई :
सिंधुदुर्ग जिल्ह्यातील युवासेनेचे जिल्हाप्रमुख मंदार शिरसाट यांच्या नेतृत्वाखाली युवासेनेचे काम जोमाने सुरू असुन या पुढच्या काळात युवासेनेला मजबूत ताकद देणार असल्याचे प्रतिपादन युवासेना प्रमुख आदित्य ठाकरे यांनी केले. जिल्ह्यातील युवासेना ही युवासेनेचे पक्ष प्रमुख आदित्य ठाकरे यांच्या नेतृत्वाखाली काम करीत आहे आणि यापुढेही करीत राहील असे प्रतिपादन युवासेना जिल्हा प्रमुख मंदार शिरसाट यांनी केले.
आज मुंबई येथे युवासेनेचे पक्ष प्रमुख आदित्य ठाकरे यांची सदीच्छा भेट युवासेनेचे जिल्हा प्रमुख मंदार शिरसाट यांनी घेतली. यावेळी शिरसाट यांसोबत गुहागरचे आमदार भास्करराव जाधव, कुडाळ युवासेना शहरप्रमुख संदीप म्हाडेश्वर, युवासेनेचे अमित राणे, युवासेनेचे राजु गवंडे, कुडाळ शिवसेना शहरप्रमुख गुरु गडकर आदी उपस्थित होते.
यावेळी मंदार शिरसाट यांनी युवासेनेचे पक्ष प्रमुख आदित्य ठाकरे यांना सिंधुदुर्ग जिल्ह्यातील युवासेनेच्या कामाचा आढावा देऊन मा आमदार वैभव नाईक यांचा पराभव तेवढाच जिव्हारी लागला असुन त्याची खंत आदीत्य ठाकरे यांनी व्यक्त केली. जिल्ह्य़ातील शिवसेना पक्ष वाढिसाठी मा. आमदार वैभव नाईक यांनी कडवा संघर्ष केला. युवासेनेला पाठबळ देऊन मतदारसंघातील लोकप्रियता आणि दांडगा जनसंपर्क तसेच विकास मोठ्या प्रमाणात होऊनही त्यांचा पराभव झाला. तरीही युवासेनेच्या पदाधिकारी आणि कार्यकर्ते यांनी पुढच्या काळात जोमाने करा अशा सुचना श्री ठाकरे यांनी दिल्या.
