*जागतिक साहित्य कला व्यक्तित्व विकास मंचचे सन्मा सदस्य लेखक कवी अरुण वि. देशपांडे लिखित अप्रतिम काव्यरचना*

__________________________

श्रीगोंदवलेकर महाराज काव्यचरितावली काव्यपुष्प-१०६ वे

___________________________

हे शेवटचे निरूपण भजन । श्री महाराज होते जाणून ।

सांगती ते कळवळून । मोठेच महत्व नामाचे,जाणा तुम्ही ।। १ ।।

श्री महाराजांचे विलक्षण सांगणे । हे ऐकुनी भक्तांचे डोळे भरून येणे । मनाचे मना समजणे । येथे आले घडोनी ।।२।।

श्री महाराजानी अभंग म्हटला –

_________________

सरली आयुष्याची गणना । आता येणे नाही पुन्हा ।।१ ।।

तुझ्या पायी मन राही । हेचि सुख आम्हा देई ।।२ ।।

तुझ्या पायी पडली मिठी । आता जातो उठाउठी ।। ३ ।।

दीनदास म्हणे रघुनाथा । आज्ञा द्यावी मज आता ।।४ ।।

*******

वातावरण सारे भारलेले । अश्रूंनी डोळे डबडबलेले ।

हृदय सर्वांचे पिळवटलेले । भक्त तरीही तसेच बसलेले ।।५।।

श्री महाराजानी सगळ्यांकडे पाहिले । सावकाश शब्द उच्चरिले । अखेरच्या अभंगाचे बोल उमटले । त्यांच्या मुखातुनी ।। ६ ।।

”

भजनाचा शेवट आला । एक वेळ राम बोला ।। १ ।।

आजि पुण्यपर्वकाळ । पुनः नाही ऐसी वेळ ।। २ ।।

रामनाम वाचे बोला । आत्मसुखामाजी डोला ।।३ ।।

दीनदास सांगे निका । रामनाम स्वामी शिक्का ।। ४ ।।

*******

क्रमशः करी लेखन कवी अरुणदास

___________________________

कवी अरुणदास – अरुण वि. देशपांडे- पुणे.

___________________________