*जागतिक साहित्य कला व्यक्तित्व विकास मंचचे सन्मा सदस्य लेखक कवी अरुण वि. देशपांडे लिखित अप्रतिम काव्यरचना*

*श्रीगोंदवलेकर महाराज काव्यचरितावली*

काव्यपुष्प-१०५ वे

______________________

त्या दिवशीचे ते भजन शेवटचे । आणिक ते निरूपण ।

श्रीमहाराज गेले रंगून । निर्वाणाच्या अभंगात ।। १ ।।

नाम महत्त्व पुन्हा पुन्हा सांगती । जणू कळकळीची असे

त्यांची विनंती । नेत्रातून धारा ओघळती । सांगतांना श्रीमहाराजांच्या ।। २ ।।

ध्यानात ठेवा । नामाचा विसर ना पडावा। मनी राम असावा । सांगणे महाराजांचे सकल जना ।। ३ ।।

निरुपणात अभंग त्यांनी गायला –

शरण शरण रघुनाथा । भक्त पालन करी आता ।।१ ।।

श्रीरामा निरोप द्यावा । देई अखंडित सेवा ।। २ ।।

ब्रीद राखी रघुराज । हेचि सांगतसे गुज ।। ३ ।।

दीनदासाची विनवणी । आज्ञा द्यावी चक्रपाणी ।। ४ ।।

****

हे शब्द श्रीमहाराजांचे । आहेत निरोपाचे । आम्हास सांगायचे । आले कळून सर्वांना ।। ५ । ।

**********

करी क्रमशः हे लेखन कवी अरुणदास

__________________________

कवी अरुणदास – अरुण वि. देशपांडे- पुणे.