सावंतवाडी संस्थान मराठा समाज स्नेहसंमेलन जानेवारीत
सावंतवाडी
सावंतवाडी संस्थान मराठा समाजा (मुंबई) च्यावतीने जिल्हा स्नेहसंमेलन व विद्यार्थी गुणगौरव सोहळा जानेवारी महिन्यात आयोजित करण्यात येणार आहे. संस्थेचे हे तिसावे वर्ष आहे. या स्नेहसंमेलनात दहावी-बारावी व पदवीमध्ये उच्च श्रेणी प्राप्त विद्यार्थ्यांना पारितोषिक व प्रशस्तीपत्रक देऊन गौरविण्यात येणार आहे. दहावीत ९० टक्के गुण व बारावीमध्ये ७५ टक्के गुण
मिळविलेले, शिष्यवृत्तीमध्ये उच्च श्रेणी तसेच इंजिनिअर, फार्मसी, आयटी, अॅग्रीकल्चर आदी शाखांमध्ये उच्च श्रेणी मिळविलेल्या विद्यार्थ्यांचा गुणगौरव करण्यात येणार आहे. विद्यार्थ्यांनी आपल्या गुणपत्रिकेची झेरॉक्स प्रत कुडाळ येथील मराठा समाज सभागृहात द्यावी. अधिक माहितीसाठी कुडाळ कार्यालय मोबा-९५२७७५४७०८ व सावंतवाडी-साईलवाडा येथील टी. व्ही. देसाई वसतिगृह येथे कोठावळे यांच्याशी संपर्क साधावा, असे आवाहन स्थानिक समितीप्रमुख आर. एल. परब यांनी केले आहे.
