सावंतवाडी मतदार संघातील 310 मतदान केंद्रावर कर्मचारी रवाना
सावंतवाडी
राज्यातील विधानसभा निवडणुकीसाठी उद्या बुधवार दि.२० नोव्हेंबर रोजी मतदान होत आहे. आजपासून निवडणूक निर्णय अधिकार्यांनी याबाबत तयारी सुरू केली असून सावंतवाडी विधानसभा मतदारसंघात आज सकाळपासूनच मतदार संघातील एकूण ३१० मतदान केंद्रावर निवडणूक कर्मचार्यांना पाठवण्यास सुरुवात झाली. या मतदारसंघाचे निवडणूक निर्णय अधिकारी तथा प्रांत हेमंत निकम, सहाय्यक निवडणूक निर्णय अधिकारी तथा तहसीलदार श्रीधर पाटील यांनी नियोजन केले असून निवडणूक कर्मचार्यांना निवडणुकीसाठी ईव्हीएम मशीन व इतर सामुग्री कर्मचार्यांच्या ताब्यात देण्यात आली. यावेळी पोलीस अधिकारी उपस्थित होते. सर्व निवडणूक कर्मचार्यांना पोलिसांसोबत त्यांना नेमून देण्यात आलेल्या मतदान केंद्रावर रवाना करण्यात आले.
सकाळी ३८ एसटी गाड्या व तीन मिनी बसेसद्वारे या मतदारसंघातील सावंतवाडी, दोडामार्ग, वेंगुर्ले या तिन्ही तालुक्यातील ३१० मतदान केंद्रावर हे कर्मचारी रवाना झाले. सावंतवाडी जिमखाना मैदान येथे सकाळपासूनच निवडणुकीसाठी लागणारी
