सावंतवाडी :
माजगाव येथील श्री महादेवाचा वार्षिक जत्रोत्सव शनिवारी १६ नोव्हेंबर रोजी होणार आहे. त्याच्या आदल्यादिवशी १५ नोव्हेंबर ला दीपोत्सव साजरा करण्यात येणार आहे. जत्रेदिवशी यानिमित्त मंदिरात सकाळी पूजा, अभिषेक आदी धार्मिक कार्यक्रम आटोपल्यानंतर महादेवाच्या दर्शनास प्रारंभ होणार आहे. या वार्षिक उत्सवानिमित्त हजारो भाविक महादेव चरणी लीन होतात. यानिमित्त रात्री सवाद्य पालखी सवाद्य मिरवणुकीनंतर पार्सेकर दशावतार कंपनीचे नाटक होणार आहे. भाविकांनी कार्यक्रमाचा लाभ घ्यावा असे आवाहन देवस्थान कमिटीचे अध्यक्ष आनंद सावंत खजिनदार विजय माधव तसेच देवस्थांनच्या सर्व मानकऱ्यांनी यांनी केले आहे.
