*डॉ. निलेश राणे यांनी केले शेतकऱ्यांचे कौतुक; बैलगाडी रॅलीचा डॉ. राणे यांच्या उपस्थितीत शुभारंभ*

कुडाळ (विभावरी परब) :

महायुतीचे उमेदवार माजी खासदार डॉ. निलेश राणे यांनी बैलपोळा सण उत्सवात आवर्जून उपस्थिती दर्शविली. यावेळी त्यांनी शेतकऱ्यांचे कौतुक केले. बैलगाडी रॅलीचा शुभारंभ डॉ. निलेश राणे यांनी केला.

शेतकरी बांधवांचा जिव्हाळ्याचा पवित्र सण म्हणजे बैलपोळा, या सणाचे औचित्य साधून कुडाळ शहरात बैलगाडी व बैल सजावट स्पर्धेचे आयोजन करण्यात आले होते. या स्पर्धेत शेतकऱ्यांनी मोठा सहभाग दर्शविला होता.

डॉ. निलेश राणे यांच्यासोबत शिवसेना उपजिल्हाप्रमुख आनंद शिरवलकर, खरेदी विक्री संघाचे अध्यक्ष दीपक नारकर, शिवसेना तालुकाध्यक्ष अरविंद करलकर, शिवसेना प्रवक्ते रत्नाकर जोशी, विश्वास गावकर, भाजपा गटनेते विलास कुडाळकर, अभी गावडे, राकेश कांदे, राजेश पडते, चंदन कांबळी आदि पदाधिकारी, कार्यकर्ते मोठ्या संख्येने उपस्थित होते.